VILLAGE NEWS

41.thrissur 2012 january flower show

2012-01-29T19:20:00.000+05:30

40. TODAYS PICTURE

2011-11-17T06:30:00.001+05:30

39.അയ്‌കുന്ന് പാണ്ഡവഗിരിക്ഷേത്രം

2011-11-13T18:56:00.001+05:30

തൃശൂര്‍ ജില്ലയില്‍ വെങ്ങിണിശ്ശേരിയില്‍ സ്ഥിതിചെയ്യുന്ന ക്ഷേത്രമാണ് അയ്‌കുന്ന് പാണ്ഡവഗിരിക്ഷേത്രം . ഒരു കുന്നിന്റെ മുകളിലാണ് ഈ ക്ഷേത്രം സ്ഥിതിചെയ്യുന്നത് .സ്വാമി ഭൂതാനന്ദ തീര്‍ത്ഥരാണ് ഈ ക്ഷേത്രം നവീകരിക്കുന്നതിന് മുന്‍‌കൈ എടുത്തത് . അതിരാവിലെയും വൈകീട്ടും ക്ഷേത്രത്തില്‍ നിന്നുള്ള വീക്ഷണം - പ്രത്യേകിച്ചും താഴെക്ക് ഏറെ ഭംഗി നല്‍കുന്നു.ഏതാനും ചിത്രങ്ങള്‍ ചിത്രങ്ങള്‍ താഴെ കൊടുക്കുന്നു. പ്രകൃതി രമണീയ മായ ഈ പ്രദേശം - ഭക്തന്മാരും തീര്‍ത്ഥാടകരും സന്ദര്‍ശിക്കുന്നില്ല എന്നത് ഒരു യാഥാര്‍ഥ്യമാണ് .

ക്ഷേത്രത്തിലേക്കുള്ള റോഡ്

പടവുകള്‍

മുന്‍‌ഭാഗം

കൊടിമരം

സ്റ്റേജ് ( ക്ഷേത്രമതില്‍ക്കെട്ടിനകത്ത് ) ഇവിടെ നിന്നുള്ള വീക്ഷണം ബഹുരസം കാറ്റോ അതിലും രസം

അവണക്ക് ചെടി

ക്ഷേത്രത്തിന്റെ മുന്‍ഭാഗം

എങ്ങനെയുണ്ട് ഈ സൂര്യോദയം ?

സൂര്യോദയം

കല്‍പ്പടവുകള്‍

ബാക്കിഭാഗം താഴെ

ക്ഷേത്ര ബോര്‍ഡ്

പുതിയ ആല്‍മരവും ആല്‍ത്തറയും

കരിങ്കല്‍ ഫലകം

നോക്കിയാല്‍ അങ്ങനെയങ്ങ് നിന്നുപോകും

കിഴക്കുഭാഗത്തുനിന്നുള്ള വീക്ഷണം

ഇത് കരിങ്കല്ലുകൊണ്ട് ഉണ്ടാക്കുയതാണ്

37.അത്തിക്കായ പഴുത്തപ്പോള്‍ ...........

2011-10-08T17:40:00.003+05:30

വാല്‍ക്കഷണം : ഇലകള്‍ വളരെ വലുതാകയാല്‍ വീട്ടുമുറ്റത്ത് തണലേകാന്‍ സഹായിക്കുന്ന ഒരു വൃക്ഷമാണീതരം അത്തി. രണ്ടുമുന്നൂ വര്‍ഷംകൊണ്ട് ഇത് വലിയ മരമായി തീരും

36.പെരിങ്ങോട്ടുകര ശ്രീ സോമശേഖരക്ഷേത്രത്തിലെ ഷഷ്ടി ആഘോഷം ( ഫോട്ടോസ് )

2011-10-02T18:31:00.003+05:30

ഒക്ടോബര്‍ 2 ഞായറാഴ്ച നടന്ന ഷഷ്ടി ആഘോഷത്തിലെ ചില ഫോട്ടോസ്

35.തക്കാളി പഴുത്തപ്പോള്‍

2011-08-23T06:43:00.001+05:30

34.ആമ്പല്‍ പൂവിട്ടപ്പോള്‍

2011-07-26T21:00:00.000+05:30

33. നിശാഗന്ധി പൂത്തപ്പോള്‍ ..

2011-07-23T11:44:00.005+05:30

ഏറെ നാളിന്റെ കാത്തിരിപ്പ്രാത്രിയില്‍ പൂഷ്പിക്കുന്ന നിശാഗന്ധി .അത് പരത്തുന്ന പരിമളംചില കാഴ്ചകള്‍

നിശാഗന്ധി മൊട്ടിട്ടപ്പോള്‍

ഇരുട്ടില്‍ വ്യക്തമാകുന്നില്ല അല്ലേ

ഇപ്പോ എങ്ങനെയുണ്ട്

ഇലയില്‍ നിന്ന് മൊട്ട് വരുന്നത് കണ്ടോ ?

പുലര്‍ച്ചെ അഞ്ചുമണിക്ക് .. നിശാഗന്ധി കൂമ്പിയപ്പോള്‍
വാല്‍ക്കഷണം
നിശാഗന്ധിയക്കുറിച്ച് കൂടുതല്‍ അറിയാന്‍ താഴെ ക്ലിക്ക് ചെയ്യുക
1. നിശാഗന്ധി വിക്കിപ്പീഡിയ
2. സന്തോഷിന്റെ ബ്ലോഗിലെ നിശാഗന്ധി
3.മുല്ലയുടെ വീട്ടില്‍ നിശാഗന്ധി വിരിഞ്ഞപ്പൊള്‍
4.മിനിടീച്ചറുടെ വീട്ടില്‍ നിശാഗന്ധി വിരിഞ്ഞപ്പോള്‍ റണ്ണിംഗ് കമന്ററി
5.സൂര്യഗായത്രിയുടെ ബ്ലോഗിലെ നിശാഗന്ധി ഫോട്ടോസ്

32. കാര്‍ണീഷ്യം പുഷ്പിച്ചപ്പോള്‍

2011-07-23T11:42:00.003+05:30

31. ഫാഷന്‍ ഫ്രൂട്ട് (പാഷന്‍ ഫ്രൂട്ട്) കായ്‌കളായപ്പോള്‍ .............

2011-07-23T11:39:00.005+05:30

പാഷന്‍ ഫ്രൂട്ടിനെ ചിലര്‍ ഫാഷന്‍ ഫ്രൂട്ട് എന്നും പറയാറുണ്ട് . പക്ഷെ മലയാളം വിക്കിയില്‍ ഇക്കാര്യം റഫര്‍ ചെയ്തപ്പോള്‍ അറിയാന്‍ കഴിഞ്ഞത് പാഷന്‍ ഫ്രൂട്ട് എന്നാണ്.വള്ളിനാരകം എന്ന നാടന്‍ പേരും ഇതിനുണ്ടത്രെ!തെക്കേ അമേരിക്കന്‍ സ്വദേശിയാണിത് . മലയാളത്തിലെ മിക്കവാറും ബ്ലോഗുകളില്‍ ഫാഷന്‍ ഫ്രൂട്ട് എന്ന പേരാണ് നല്‍കിയിട്ടുള്ളത്പക്ഷെ ഇംഗ്ലീഷില്‍ ഇതിനെ PASSION FRUIT എന്നാണ് പറയുന്നത്

കൂടൂതല്‍ അറിയുവാന്‍ താഴെകൊടുത്തിരിക്കുന്ന ലിങ്കുകളില്‍ ക്ലിക്ക് ചെയ്യുക
.1. പാഷന്‍ ഫ്രൂട്ട് വിക്കിപ്പീഡിയ
2.അപ്പൂന്റെ ലോകത്തിലെ ഫാഷന്‍ ഫ്രൂട്ട്
3 .പാഷന്‍ ഫ്രൂട്ടിനെക്കുറിച്ച് ജി .ഉണ്ണികൃഷ്ണന്‍ നായര്‍
4.പാഷന്‍ ഫ്രൂട്ട് നമുക്കും വളര്‍ത്താം

30.Peringottukara Sree Somasekhara Temple Festival For More details

2010-02-21T12:52:00.003+05:30

പെരിങ്ങോട്ടുകര ശ്രീ സോമശേഖരക്ഷേത്രത്തിലെ ഉത്സവം

Click Here

29.Can u find the answer for this Mathematical puzzle?

2009-11-19T08:24:00.004+05:30

For seeing the puzzle

click here

My Friend Praveen Marath has Forward this file to me
Thanks for Praveen Marath

28.MYSORE VRINDAVAN MUSIC FOUNTAIN

2009-04-28T12:52:00.004+05:30

വൃന്ദാവനത്തിലെ സംഗീതാത്മകമായി നൃത്തം ചെയ്യുന്ന ജലധാര ആരെയാണ് ആകര്‍ഷിക്കാത്തത്.

27.HILL PALACE THRIPPUNITHARA

2008-12-24T17:29:00.053+05:30

പ്രണാമം മഹാരാജാ .
(ഏതു ഭാഗത്തുനിന്നു നോക്കിയാലും അങ്ങോട്ടുനോക്കുന്നതുപോലെ തോന്നുക ഈ ചിത്രത്തിന്റെ ഒരു പ്രത്യേകതയാണ്)
Taking Still Photos Using TV Tuner Card in the Computer

26. THRIPRAYAR EKADHASHI VIDEO

2008-12-23T15:34:00.006+05:30

25.THRIPRAYAR EKADASHI PHOTOS

2008-12-23T15:30:00.008+05:30

തൃപ്രയാര്‍ പാലത്തിനു മുകളില്‍ നിന്ന് എടുത്തത് .

ക്ഷേത്രത്തിനു മുന്നിലൂടെ ഒഴുകുന്ന പുഴ

24.THRISSUR VADAKKUMNATHAN TEMPLE PHOTOS

2008-12-21T07:26:00.014+05:30

പാറേമക്കാവ് ക്ഷേത്രം ; വടക്കും നാഥന്റെ കിഴക്കേ നടയില്‍ നിന്നു നോക്കുമ്പോള്‍

ഒന്നുകൂടി അടുത്തുനിന്നു നോക്കുമ്പോള്‍

വടക്കുംനാഥന്റെ കിഴക്കേ ഗോപുരനട

വടക്കുംനാഥന്റെ തെക്കേ ഗോപുരനട

വടക്കുംനാഥന്റെ തെക്കേ ഗോപുരനട

വടക്കുംനാഥന്റെ തെക്കേ ഗോപുരനട

വടക്കുംനാഥന്റെ തെക്കേ ഗോപുരനട ;ഇവിടെയാണ് സുപ്രസിദ്ധ കുടമാറ്റം നടക്കുന്നത് . ഇത് തൃശൂര്‍ പൂരത്തിലെ ഏറ്റവും ആകഷണീയ മായ ഇനമാണ്

23.POET DHEERAPALAN MASTER PASSED AWAY

2008-10-11T13:47:00.005+05:30

കവിയും ഗാനരചയിതാവും യുവകലാസാഹിതി മുന്‍ ജില്ലാ പ്രസിഡണ്ടുമായ ധീരപാലന്‍ ചാളിപ്പാട് ( 74) നിര്യാതനായി. തൃത്തല്ലൂര്‍ യു.പി.സ്കൂളിലെ റിട്ടയേര്‍‌ഡ് അദ്ധ്യാപകനും കലാ സാഹിത്യ -സാംസ്കാരിക പ്രവര്‍ത്തകനുമായിരുന്നു.
മണപ്പുറത്തെ കാവ്യസദസ്സുകള്‍ക്ക് നഷ്ടമായത് മണ്ണിന്റെ ചൂരും മനുഷ്യന്റെ വികാരവും വാക്കുകളിലൂടെ പ്രതിഫലിപ്പിച്ചിരുന്ന അനുഗ്രഹീതകവിയെ .
അഞ്ചുപതിറ്റാണ്ടോളമായി സാഹിത്യ രംഗത്ത് സജീവമായിരുന്ന ധീരപാലന്‍ ചാളിപ്പാട് അരങ്ങൊഴിഞ്ഞത് മലയാളിത്തമുള്ള ഒരു പാട് കവിതകളും ഗാനങ്ങളും ബാക്കിവെച്ചാണ് . ആകാശവാണിയിലെ ലളിത സംഗീത പാഠത്തിലൂടെ ഒരു പാട് പേര്‍ ധീരപാലന്‍ മാഷുടെ പാട്ടുകള്‍ മന:പാഠമാക്കിയിട്ടുണ്ട്.
വാടാനപ്പള്ളി , തൃപ്രയാര്‍ , തൃത്തല്ലൂര്‍ എന്നിവടങ്ങളില്‍ ഒരുക്കുന്ന സാഹിത്യസദസ്സുകളുടെ പതിവ് സംഘാടകനും മണപ്പുറത്തെ സാമൂഹ്യസാംസ്കാരിക പ്രവര്‍ത്തകനുമായിരുന്നു.
പുരോഗമന കലാസാഹിത്യസംഘം നാട്ടിക മേഖലാ മുന്‍പ്രസിഡണ്ടും വാടാനപ്പള്ളി യൂത്ത് ലീഗ് ലൈബ്രറിയുടെ സ്ഥാപകാംഗവുമായിരുന്നു.
തൃത്തലൂര്‍ ശ്രീശൈലം ചരിറ്റബിള്‍ സൊസൈറ്റി , എ.വി.രാമനാഥന്‍ ചാരിറ്റബിള്‍ ട്രസ്റ്റ് ,കുടുംബസദസ്സ് എന്നിവയുടെ ചെയര്‍മാനാണ് . ചാവക്കാട് താലൂക്ക് ലൈബ്രറി യൂണിയനിലും അദ്ധ്യാപക യൂണിയനിലും ദീര്‍ഘകാലം പ്രവര്‍ത്തിച്ചു. ആശ്രയ അവാര്‍ഡ് ലഭിച്ചു.
വന്ധ്യമോഹം , ഏകാകിയുടെ ഗീതം , പൂത്തുമ്പികള്‍ , കളിപ്പാവ , മുത്തശ്ശിയുടെ മാല എന്നിവയാണ് കൃതികള്‍ .
അസുഖത്തെ തുടര്‍ന്ന് തൃശൂരിലും കൊച്ചിയിലും ചികിത്സയിലായിരുന്ന ധീരപാലന്മാസ്റ്റര്‍ കഴിഞ്ഞ ദിവസമാണ് വീട്ടിലെത്തിയത് .
അസുഖം കൂടുതലായതിനെ തുടന്ന് ഇന്നലെ പുലര്‍ച്ചെ ചേറ്റുവയിലെ ആശുപത്രിയിലെത്തിച്ചെങ്കിലും രാവിലെ മരിച്ചു.
ഇന്നു രാവിലെ സംസ്കാരച്ചടങ്ങുകള്‍ക്ക് ശേഷം തൃത്തല്ലൂര്‍ ശ്രീശൈലം ഹോളില്‍ 11ന് അനുശോചന യോഗം ചേരും .
മരണ വിവരം അറിഞ്ഞ സാമൂഹ്യ സാംസ്കാരിക രാഷ്ട്രീയ പ്രവര്‍ത്തകര്‍ വീട്ടിലെത്തി അന്തിമോപചാരം അര്‍പ്പിച്ചു.
കേരള സാഹിത്യ അക്കാദമിക്കുവേണ്ടി കവി രാവുണ്ണി പുഷ്പചക്രം അര്‍പ്പിച്ചു.സംവിധായകന്‍ പി.ടി . കുഞ്ഞിമുഹമ്മദ് , യുവകലാസാഹിതി സംസ്ഥാനാ പ്രസിഡണ്ട് ഇ.എം സദീശന്‍ , ജില്ലാ പഞ്ചായത്ത് സ്റ്റാന്‍ഡിംഗ് കമ്മറ്റി ചെയര്‍മാന്‍ കെ.വി.പീതാംബരന്‍ ,ഗുരുവായൂര്‍ ദേവസ്വം ബോര്‍ഡ് അംഗം പ്രൊഫസര്‍ ടി.ആര്‍. ഹാരി , കലാ മണ്ഡലം മുന്‍സെക്രട്ടറി ബാലചന്ദ്രന്‍ വടക്കേടത്ത് . ടി.ആര്‍ ചന്ദ്രദത്ത് എന്നിവര്‍ വീട്ടിലെത്തി അന്തിമോപചാരം അര്‍പ്പിച്ചു.
(Maroram News)

22.PET SHOW AT SNEHATHEERAM

2008-09-16T07:41:00.002+05:30

തളിക്കുളം സ്നേഹതീരം പെറ്റ് ഷോ ഞായറാഴ്ച സമാപിച്ചു.ദക്ഷിണേന്ത്യന്‍ പെറ്റ് ഷോയിലെ ക്വീന്‍ ആയത് കാണികളുടെ മനം കവര്‍ന്ന കൊച്ചു ഷിവാവ .
പ്രദര്‍ശനത്തിന്റെ തുടക്കം മുതല്‍ ഈ ഈ ശ്വാന ഇനമായിരുന്നു ആകര്‍ഷണീയമായത് . നല്ല സ്റ്റാളിനുള്ള പ്ലാറ്റിനം അവാര്‍ഡ് തമിഴ്‌നാട് സ്വദേശിയായ രവി പോള്ളാച്ചി നേടി. ഗോള്‍ഡന്‍ അവാര്‍ഡ് എറണാകുളത്തെ അരുണ്‍ ഏന്‍ഡ് ആന്റണി ഷൈന്‍ നേടി. സില്‍‌വര്‍ അവാര്‍ഡ് മധു ഏന്‍ഡ് ലക്ഷ്മിയും നേടി. സമാപന സമ്മേളനം ബാബു എം പാലിശ്ശേരി എമെല്‍.എ ഉദ്‌ഘാടനം ചെയ്തു.ടി.എന്‍ പ്രതാപന്‍ എം.എല്‍.എ അദ്ധ്യക്ഷത വഹിച്ചു. തോമസ് ഉണ്ണിയാടന്‍ എം.എല്‍.എ സര്‍ട്ടിഫിക്കറ്റുകളും അവാര്‍ഡുകളും വിതരണം ചെയ്തു.ജില്ലാ മൃഗസംരക്ഷണ ഓഫീസര്‍ ഡോ.എം .എ. ബാഹുലേയന്‍ , പഞ്ചായത്ത് പ്രസിഡണ്ട് എ,.കെ.ബീബു, സി.എ. റഷീദ് , സി.എം.നൌഷാദ് ,ജോസ് വള്ളൂര്‍ ,ഡോ:പിഡി.സുരേഷ് എന്നിവര്‍ പ്രസംഗിച്ചു.
അടിക്കുറിപ്പ് മത്സരത്തില്‍ 476 പേര്‍ പങ്കെടുത്തു. ഡി.വൈ.എസ്.പി ശശികുമാറിന്റെ “ ഹരിശ്രീ എഴുതും കിളിമകല്‍ “ എന്ന അടിക്കുറിപ്പിന് ഒന്നാം സമ്മാനം ലഭിച്ചു.
പ്രദര്‍ശനം കാണാന്‍ രണ്ടുദിവസങ്ങളിലായി ആയിരങ്ങളാണ് സ്നേഹതീരം പാര്‍ക്കില്‍ എത്തിയത് . .മൊത്തം 1,44,650 രൂപ കിട്ടിയതായി സംഘാടകര്‍ അറിയിച്ചു. ടിക്കറ്റ് ചാര്‍ജ്ജ് പത്തുരൂപയായിരുന്നു.

21.Beach Resort Photos (തളിക്കുളം സ്നേഹതീരം )

2008-09-14T18:39:00.013+05:30

20 Birds Photos (തളിക്കുളം സ്നേഹതീരം )

2008-09-14T18:17:00.038+05:30

ഇത് ഒട്ടകപ്പക്ഷിയുടെ മുട്ടയാണ്

ഇത് എമുവിന്റെ മുട്ടകളാണ് . നല്ല വിലയുണ്ട് .

19. Special Dogs photos (സ്നേഹതീരം പെറ്റ് ഷോ )

2008-09-14T17:54:00.027+05:30

18. Dogs photos (സ്നേഹതീരം പെറ്റ് ഷോ )

2008-09-14T17:34:00.043+05:30

17. SOUTH INDIAN PET SHOW

2008-09-14T17:17:00.019+05:30

സെപ്തംബര്‍ 13,14 ശനി ഞായര്‍
വളര്‍ത്തു പക്ഷി മൃഗ പ്രദര്‍ശനം
ഉദ്‌ഘാടനം: ശ്രീ കെ.പി. രാജേന്ദ്രന്‍ എം.എല്‍.എ
മുഖ്യാതിഥി :ശ്രീ വി.എസ് .സുനില്‍ കുമാര്‍ എം.എല്‍.എ
സമാപമ സമ്മെളനം ഉദ്‌ഘാടനം : ബാബു എം പാലിശ്ശേരി എം.എല്‍ .എ
സര്‍ട്ടിഫിക്കറ്റ് വിതരണം : ശ്രീ തോമസ് ഉണ്ണിയാടന്‍ എം.എല്‍ .എ
അദ്ധ്യക്ഷന്‍ : ശ്രീ .ടി.എന്‍.പ്രതാപന്‍ എം.എല്‍ .എ
തൃശൂര്‍ ജില്ലയിലെ പടിഞ്ഞാറ് നാട്ടിക നിയോജക മണ്ഡലത്തില്‍ ഉള്‍പ്പെടുന്ന പ്രദേശമാണ് തളിക്കുളം ബീച്ച് .
ഏറെ പ്രകൃതി രമണീയ മായ സ്ഥലം . അവിടത്തെ ബീച്ച് , സ്നേഹതീരം
അവിടെയാണ് ദക്ഷിണേന്ത്യന്‍ പെറ്റ് ഷോ നടക്കുന്നത് .

വാര്‍ത്താ വിശേഷം :
അഞ്ചിഞ്ച് ഉയരവും ഒമ്പതിഞ്ച് നീളവുമുള്ള കൊച്ചു ഷിവാവ സ്നേഹതീരത്തെ പെറ്റ് ഷോയിലെ വി.ഐ.പി താ‍രമായി. പൊള്ളാച്ചി സ്വദേശി രവിയുടെ വളര്‍ത്തു പക്ഷി മൃഗ ശേഖരത്തിലാണ് ലക്ഷങ്ങള്‍ വിലമതിക്കുന്ന തായ്‌ലണ്ട് ശ്വാന ഇനമായ ഷിവാവയുള്‍പ്പെടെ വി.ഐ.പി കള്‍ സ്ഥാനം പിടിച്ചത് .
പ്രദര്‍ശനത്തില്‍ ഏഴ് ലക്ഷം വിലയുള്ള സെര്‍ബിയന്‍ റോട്ട് വീലര്‍ , ന്യൂഗിനി സ്വദേശി ഒന്നര ലക്ഷം വിലയുള്ള ഗാലക്കുറ്റു തത്ത, സൌത്ത അമേരിക്കന്‍ ഇനമായ ബ്ലാക്ക് ഹെഡ് കെയ്ക്കു , പാരറ്റ് , വിവിധ വര്‍ണ്ണത്തിലുള്ള അപൂര്‍വ്വ ഇനം മ്യൂട്ടേഷന്‍ തത്തകള്‍ , പേര്‍ഷ്യന്‍ പൂച്ചകള്‍ , ഗോള്‍ഡന്‍ , സില്‍‌വര്‍ , ലാഡിഹാമര്‍ , ഗ്രേ പീകോക്ക് ഫെസന്റുകള്‍ എന്നിവ കാണികളുടെ മനം കവര്‍ന്നു.
ജെര്‍മന്‍ , ഇറാക്ക് , ഫ്രാന്‍സ് , , ചെക്ക് റിപ്പബ്ലിക്ക് എന്നിവടങ്ങളില്‍ നിന്ന് ഇറക്കുമതിചെയ്തവയായ ബൊക്കാറോ ട്രബസ്റ്റര്‍ , സ്ട്രേസര്‍ , ജര്‍മന്‍ ബ്യൂട്ടി ഹോമര്‍ , സ്കാന്‍ ഡറൂണ്‍ , ഫ്രഞ്ച് മൊട്രിനോ , ജാക്കോസില്‍ , ഹാന പൌട്ടര്‍ ഇനങ്ങളിലെ പ്രാവുകളാണ് . കാഴ്ചക്ക് വിരുന്നൊരുക്കിയത് .

16. THRISSUR ZOO PHOTOS

2008-09-12T16:24:00.007+05:30

ഒന്നാം ലോകമഹായുദ്ധത്തില്‍ പങ്കെടുത്തവരുടെ സ്മരണക്കായും ഇവിടെ ഫലകമുണ്ട് .
അതുപോലെ ചില വൃക്ഷങ്ങള്‍ ..........

15. THRISSUR TOWN HALL

2008-09-12T16:18:00.010+05:30

തൃശൂര്‍ പബ്ലിക് ലൈബ്രറി നിങ്ങള്‍ കണ്ടിട്ടുണ്ടോ ? അത് പ്രവര്‍ത്തിക്കുന്നത് തൃശൂര്‍ ടൌണ്‍ഹാളിലാണ്. ആ സ്ഥലം കാണ്ടോളൂ

അതിന്റെ ചരിത്ര പാരമ്പര്യം മനസ്സിലാക്കിക്കോളൂ .
ആ കെട്ടിട നിര്‍മ്മാണരീതി തന്നെ നോക്കൂ.
സിവില്‍ എഞ്ചിയനീയറിംഗുകാര്‍ ഇതൊക്കെ ഒരു പഠനവിഷയമാക്കിയെങ്കില്‍ ........
ഇപ്പോഴും സൌന്ദര്യം വിളിച്ചോതുന്ന കെട്ടിടവും അതിനു മുമ്പിലെ പൂന്തോട്ടവും..........
ആരാണ് ഇത് സ്ഥാപിക്കാന്‍ മുന്‍‌കൈ എടുത്തത് ?
അതിനും ഫലകങ്ങള്‍ ആ കഥ പറഞ്ഞു തരും ............
കുട്ടികളെ ഇവിടെ കൊണ്ടുവന്നു കാണിച്ചുകൂടെ
ഇപ്പോള്‍ പബ്ലിക് ലൈബ്രറിയില്‍ ഇഗ്‌നോയുടെ കോഴ്‌സുകള്‍ തുടങ്ങുവാന്‍ പ്ലാനിട്ടിട്ടുണ്ട്.

14. VEGITABLE CARVINGS CHRIST COLLEGE HALL IRINJALAKKUDA

2008-08-26T19:31:00.013+05:30

നോസ്റ്റാള്‍ജിയ തോന്നുണുണ്ടോ ?

സ്മരണകളിലൂടെ അല്ലേ

ഇതു പച്ചക്കറിയാട്ടോ

ഇതും വെജിറ്റബിള്‍ തന്നെ ,ഐസ് കഷണവും

പച്ചക്കറികൊണ്ട് ഉണ്ടാക്കിയതാണേ

ഇതും പച്ചക്കറിയാണേ

13.HOW TO MAKE A PAZHAM DHOSHA

2008-08-02T12:00:00.004+05:30

ദോശയെന്ന് കേട്ടീട്ടുണ്ടാകും. അതില്‍ക്കൂടെ ചില ചെറിയ മിനുക്കു പണികള്‍ ചേര്‍ത്താല്‍ പഴം ദോശയായി
1.ഒരു പാത്രത്തില്‍ വെള്ളമെടുക്കുക
2.ആവശ്യത്തിന് മധുരം ചേര്‍ക്കുക
3.പഴം പഴുത്തത് ( ഏത് ഇനം വേണമെങ്കിലും ) ആകാം .
5.പഴവും മധുരവും ( പഞ്ചസാരയൊ ശര്‍ക്കരയോ ) മിക്സ് ചെയ്യുക
6.വേണമെങ്കില്‍ മിക്‍സി ഉപയോഗിക്കാം
7.ഇതിലേക്ക് അരിപ്പൊടി ആവശ്യാനുസരണം ചേക്കുക .
8.ഇളക്കുക
9.നല്ലവണ്ണം ഇളക്കുക
10.ദോശത്തട്ടില്‍ വെച്ച് വേവിച്ചെടുക്കുക
11.കുട്ടികള്‍ക്ക് ഏറ്റവും പ്രിയപ്പെട്ടതാണ് ഇത്
13.പുളിയും മധുരവും കലര്‍ന്ന രുചി അവരെ വല്ലാതെ ആകര്‍ഷിക്കും
14. റോബസ്റ്റ , ഞാലിപ്പൂവന്‍ .... എന്നിങ്ങനെ ഓരോ പഴത്തിനനുസരിച്ചും വ്യത്യസ്ത രുചിയായിരിക്കും .
15.അതുകൊണ്ടു തന്നെ വെറെറ്റി ആയി ഉണ്ടാക്കാം
16.അഭിപ്രായങ്ങള്‍ ക്ഷണിക്കുന്നു.
( വീട്ടറിവ് )

12.FLOWER KOLAMBI

2008-08-02T09:58:00.004+05:30

ഇതിനെ പണ്ട് കോളാമ്പി പ്പൂവ് എന്നാണ് വിളിച്ചിരുന്നത് . ഇപ്പോള്‍ , ഇവന്‍ വീണ്ടും പ്രത്യക്ഷ പ്പെട്ടിരിക്കുന്നു. ഒരു അതിഥിയായിട്ടാണ് രംഗ പ്രവേശം .
പണ്ട് കുട്ടിക്കാലത്ത് വേലിയിലൊക്കെ ഇവനെ കാണുമായിരുന്നു.
അങ്ങനെ പുതുമയുയുടെ വരവില്‍ ഇവന് വെലയില്ലാതെ പോയി .
അങ്ങനെ ഇവന്‍ അപ്രത്യക്ഷനായി .
അപ്പോഴാണ് ഒരു നോസ്റ്റാള്‍ജിയയുടെ പരിവേഷം ചാര്‍ത്തി ഇവന്‍ വീണ്ടും വന്നത് .
പിന്നീടിപ്പോള്‍ ഇവന്‍ അന്തസ്സോടെ ഇപ്പോള്‍ നില്‍ക്കുന്നു.
ഏതൊക്കെ നോവലിലും കഥയിലും കവിതയിലും ഇവന്‍ ബാക്ക്‍ഗ്രൌണ്ടായിട്ടുണ്ട് ?
എത്ര സിനിമാ നടീനടന്മാര്‍ ഇവനെ സ്പര്‍ശിച്ചിട്ടുണ്ട് ?
ഈ ഓര്‍മ്മയിലൂടെ ഒന്ന് എത്തിനോക്കിക്കൂടെ

11. VELLILATHALI SOME DETAILS

2008-08-02T09:48:00.006+05:30

പണ്ട് ഈ ചെടിയുടെ ഇല താളിയായി ഉപയോഗൊച്ചിരുന്നു.
ഒരു കടംകഥ ഇവിടെ പറയുന്നു.
“അമ്മ കറുത്തത് , മോളു വെളുത്തത് , മോളുടെ മോളൊരു സിന്ദരി”
എന്താ ?
വെള്ളിലത്താളി.
ഇതിന്റെ അര്‍ത്ഥം ഇതാണ് .
കറുത്ത അമ്മ എന്നാല്‍ ഇതിന്റെ പച്ച ഇല .
വെളുത്ത മോള്‍ എന്നാല്‍ ഇതിന്റെ പൂവിന്റെ ഭാഗമായി പുറത്ത് കാണപ്പെടുന്ന ഇതിന്റെ വെളുത്ത ഇല .
സുന്ദരിയായ മോളെന്നാല്‍ വെളുത്ത ഇലയുടെ നടുവിലുണ്ടാവുന്ന ചുവന്ന പൂവ് .
ഇതിന്റെ പച്ചില വെള്ളത്തിലിട്ട് തിളപ്പിച്ച് തണുത്ത ശേഷം പിഴിഞ്ഞ് നീരെടുത്താണ് ഇത് തലയില്‍ തേക്കുന്നത് .
ഇതിന്റെ നീര് ശിരസ്സിന് വളരേ അധികം കുളിര്‍മ്മ നല്‍കുന്നു .
അതു മാത്രമല്ല , ഇതിന്റെ നീര് മുടിയുടെ വളര്‍ച്ചക്കും വളരേ അധികം നല്ലതാണ് .
മുടി കൊഴിയുന്നുണ്ടെങ്കിലും താരന്‍ ഉണ്ടെങ്കില്‍ ഇതു തേച്ചാല്‍ അതെല്ലാം മാറും .
( നാട്ടറിവ് )

10 . വീടിനകത്തു വെക്കാവുന്ന ചെടി

2008-08-02T08:54:00.003+05:30

ഇത് വീട്ടിനകത്തുവെക്കാവുന്ന ചെടിയാണ് .വലിയ പ്രശ്നമില്ലാതെ വളരും . കണ്ടാല്‍ ചിലര്‍ക്ക് പ്ലാസ്റ്റിക്ക് ചെടിയാണെന്ന് തോന്നിയേക്കാം . പക്ഷെ , പേര് മറന്നു പോയി.

9. സൌജന്യ ടൂര്‍ യാത്ര !!

2008-07-27T11:26:00.003+05:30

കുറച്ചുനാ‍ള്‍ മുന്‍പ് ഞാന്‍ ഒരു ഫോട്ടോസ്റ്റാറ്റ് കടയില്‍ ചെന്നു.
ഫോട്ടോസ്റ്റാറ്റ് കടയുടെ പേരും വിവരവും താഴെ കൊടുക്കുന്നു .

Real Photostat

kallakath Building , Temple Road , Thriprayar

Tel:0487-2394429 ,Mob:9387878799.

ഇവിടെ നിന്ന് ഒരു നോട്ടിസ് എനിക്കു കിട്ടി . വായിച്ചപ്പോള്‍ വ്യത്യസ്തത തോന്നി. കടയുടമയോട് അപ്പോള്‍ തന്നെ ബ്ലോഗില്‍ പബ്ലിഷ് ചെയ്യുവാനുള്ള അനുവാദവും ചോദിച്ചു. അദ്ദേഹം അനുവാദവും തന്നു.

നോട്ടീസ് ഇപ്രകാരം

സൌജന്യ ടൂര്‍ പ്രോഗ്രാം

ടിക്കറ്റ് : സൌജന്യം

സീറ്റ് : ഒ.കെ

സവിശേഷതകള്‍ :
* ഈ യാത്രയുടെ ദിവസമോ സമയമോ സുനിശ്ചിതമല്ല

*ആര്‍ക്കും ഏത് ദിവസവും പങ്കാളിയാകാവുന്നതാണ്

*മുന്‍‌കൂട്ടി ബുക്ക് ചെയ്യേണ്ടതില്ല.

* തനിച്ചോ കുടുബസമേതമോ യാത്രയാകാം

* ധനികനും ദരിദ്രനും ഒരേ തരത്തിലുള്ള വാഹനവും ക്ലാസും

* യാത്രക്കാരില്‍നിന്നും യാതൊരു വിധത്തിലുള്ള ചിലവും ഈടാക്കുന്നതല്ല.

കുടുംബബബന്ധം പുലര്‍ത്തുന്നവര്‍ക്കും ദാനശീലര്‍ക്കും യാത്ര അല്പം വൈകിയേക്കാം

യാത്രയില്‍ ആവശ്യമുള്ളവ :

* മൂന്നു കഷണം തുണിയും അല്പം പഞ്ഞിയും കഴിയുമെങ്കില്‍ കരുതിയാല്‍ നന്നായിരിക്കും . സുഗന്ധദ്രവ്യങ്ങള്‍ അനുവദനീയമാണ് . സല്‍ക്കര്‍മ്മങ്ങള്‍ , ദാനദര്‍മ്മങ്ങള്‍ , ദീനിനുവേണ്ടിയുള്ള പരിശ്രമങ്ങള്‍ , വിജ്ഞാനം , എന്നിവയുടെ തോതനുസരിച്ച് യാത്രയും തുടര്‍ന്നുള്ള കാഴ്ചകകളും സന്തോഷമായിരിക്കും.മറ്റേതെങ്കിലും ഭാരം കൈവശം വെക്കുന്നത് കഠിന ശിക്ഷക്ക് ഇടയാക്കും .

യാത്രയില്‍ അനുഭവങ്ങള്‍ :

* യാത്രക്കിടയില്‍ താല്ക്കാലിക വിശ്രമം ആവശ്യമാണ് . ആവശ്യഘട്ടങ്ങളില്‍ മാത്രമേ ഒരു റൂമില്‍ ഒന്നിലധികം പേരെ താമസിപ്പിക്കുകയുള്ളൂ.
യാത്രയിലെ കര്‍മ്മങ്ങള്‍ക്കനുസരിച്ച് റൂമിലെ സൌകര്യങ്ങള്‍ കൂടാ‍നും കുറയാനും സാധ്യതയുണ്ട് . താല്‍കാലിക വിശ്രമത്തിന്റെ ആരംഭത്തില്‍ അപരിചിതരായ രണ്ടുപേരുടെ ചോദ്യങ്ങള്‍ക്ക് വ്യക്തമായും ദൃഡമായും ഉത്തരം നല്‍കുന്നവര്‍ക്കു മാത്രമേ തുടര്‍ യാത്ര സുഖകരമാവൂ. പ്രസ്തുത യാത്ര വളരേ സാഹസികവും ദുര്‍ഘടകവുമായിരിക്കും .ജീവിതത്തില്‍ ഇന്നേവരെ ദര്‍ശിച്ചിട്ടില്ലാത്ത തൂക്കുപാലത്തിലൂടെയുള്ള സഞ്ചാരമാണ് യാത്രയുടെ പര്യവസാനം . ഈ തൂക്കുപാലത്തിലൂടെ വിജയകരമായി കടന്നുപോകുന്നവര്‍ക്ക് തുടര്‍ന്നുള്ള ജീവിതം ആനന്ദകരമായിരിക്കും.

മുന്‍‌കരുതലുകള്‍ :

* താങ്കള്‍ മുന്‍പ് യാത്രക്ക് പോയവരെയെല്ലാം ഓര്‍മ്മിക്കുന്നത് നല്ലതാണ് . യാത്രാരേഖകളുടെ ടിക്കറ്റും ലഭിച്ചുകഴിഞ്ഞവരും അല്ലാത്തവരും ഉടനടി സവാരിക്കൊരുങ്ങണമെന്ന് അറിയിക്കുന്നു.സാമ്പത്തിക ബാദ്ധ്യതകള്‍ കൊടുത്തു തീര്‍ക്കണമെന്നും ആരെയെങ്കിലും മാനസികമാ‍യോ ശാരീരികമായോ പ്രയാസപ്പെടുത്തിയിട്ടുണ്ടെങ്കില്‍ അവരെ നേരില്‍കണ്ട ക്ഷമ ചോദിക്കണെമെന്നും ഓര്‍മ്മിപ്പിക്കുന്നു.അല്ലാത്ത പക്ഷം യാത്ര അതീവ ദുഷ്കരമായിരിക്കും . ആരാധനകളിലെ കൃത്യ നിഷ്ഠ , സല്‍ക്കര്‍മ്മങ്ങള്‍ , ദീനിനുവേണ്ടിയുള്ള സമര്‍പ്പണം , അതിനായുള്ള ത്യാഗങ്ങള്‍ , മുതലായവ തങ്ങളുടെ യാത്രാ സൌകര്യങ്ങള്‍ കൂടുതല്‍ വിപുലപ്പെടുത്തും.

*താങ്കളുടെ സീറ്റ് റിസര്‍വ്വ് ചെയ്തിരിക്കുന്നു എന്ന് ഒരിക്കല്‍ക്കൂടി ഓര്‍മ്മപ്പെടുത്തുന്നു. ഈ മഹത്തായ യാത്രക്കായി എന്റെ സഹോദരീ സഹോദരന്മാരെ നിങ്ങള്‍ ഇനിയും ഒരുങ്ങുന്നില്ലേ .

“എല്ലാ ശരീരവും മരണത്തെ രുചിക്കുന്നതാണ് “

വാല്‍ക്കഷണം:

1.ഈ നോട്ടിസ് വായിച്ചപ്പോള്‍ എനിക്കു തോന്നി . എന്തിന് നാം ശാരീരികമായോ മാനസികമായൊ പ്രയാസപ്പെടുത്തിയിട്ടുണ്ടെങ്കില്‍ ക്ഷമ ചോദിക്കാന്‍ ജീവിതാവസാനം വരെ കാത്തിരിക്കുന്നു. അത് അന്നന്ന് തന്നെ ചെയ്തുകൂടെ ?

2.സാ‍മ്പത്തിക ബാദ്ധ്യതകള്‍, അതും ജീവിതാവസാനം വരെ കൊണ്ടു നടക്കണമോ ?

3.ചില മണിക്കുറുകളേങ്കിലും ത്യാഗത്തിനുവേണ്ടി ഉഴിഞ്ഞു വെച്ചുകൂടെ ?

8. HUNDRED YEARS OLD ATHANI

2008-07-21T12:47:00.005+05:30

അത്താണിയെക്കുറിച്ച് പുതിയ തലമുറക്ക് അറിയുമോ ആവോ ?
ഒരു കാലത്ത് തലച്ചുമടായി സാധനങ്ങള്‍ കൊണ്ടുപോയിരുന്ന യാത്രക്കാര്‍ക്ക് ആശ്വാസമായിരുന്നു അത്താണി.
പ്രസ്തുത അത്താണിയില്‍ തലയിലെ ഭാരം ഇറക്കിവെച്ച് ഒന്നു വിശ്രമിക്കുമ്പോഴത്തെ ആശ്വാസം പറഞ്ഞറിയിക്കാന്‍ പറ്റാത്തതാണ് .
രണ്ടു കരിങ്കല്‍ കുത്തനെയും ഒരു എണ്ണം അവടെ മുകളില്‍ നെടുകെയുമാണ് വെച്ചിരിക്കുക .
തലയില്‍ നിന്ന് ഭാരമുള്ള ചുമട് യാത്രക്കാരന് തനിയെ അത്താണിയില്‍ ഇറക്കിവെക്കാം , അതുപോലെതന്നെ ഇറക്കിവെച്ച ചുമട് കയറ്റുകയും ചെയ്യാം എന്നതാണ് അത്താണിയുടെ പ്രത്യേകത . അധികം യാത്രക്കാരുള്ള നടവഴിയിലാണ് ഇത് സ്ഥാപിക്കുക.
പെരിങ്ങോട്ടുകര സോമശേഖര ക്ഷേത്രത്തിനടുത്തു സ്ഥാപിച്ചിട്ടുള്ള ഈ അത്താണി കൊല്ലവര്‍ഷം 1087 തുലാം 28 ന് ആണ് സ്ഥാപിച്ചിട്ടുള്ളത് എന്ന് അതില്‍ നിന്നു തന്നെ വ്യക്തമാകുന്നു.
( ഇന്ന് കൊല്ലവര്‍ഷം 1183 കര്‍ക്കടകം 6 ആണ് )
മാത്രമല്ല അന്ന് നിലനിന്നിരുന്ന മലയാളം അക്ഷരങ്ങളുടെ ഒരു നിജസ്ഥിതിയും ഈ ചിത്രത്തില്‍ നിന്ന് ലഭിക്കുന്നതാണ് .
ഇന്ന് അഞ്ജലി ഓള്‍ഡ് ലിപിയില്‍ എത്തിനില്‍ക്കുന്ന മലയാളം യൂണീക്കോഡിന്റെ 100 കൊല്ലം മുമ്പത്തെ അവസ്ഥ ചിന്തിക്കാവുന്നതേയുള്ളൂ.
അത്താണിയെക്കുറിച്ച് കുറിച്ച് കൂടുതല്‍ അറിയുന്നവര്‍ പ്രതികരിക്കാനപേക്ഷ .

7.ശ്രീ സോമശേഖരോത്സവം 2008

2008-02-24T13:24:00.003+05:30

2008 ഫെബ്രുവരി 24 ഞായര്‍

സാംസ്കാരിക സമ്മേളനം

സ്വാഗതം : സ്വാമി സര്‍വ്വേശരാനന്ദ :( ശ്രീനാരായണാശ്രമം )

അദ്ധ്യക്ഷന്‍ : സ്വാമി ഋതംബരാനന്ദ ( ജനറല്‍ സെക്രട്ടറി ,ശിവഗിരി

മഠം )

ഉദ്‌ഘാടനം : മുല്ലക്കര രത്നാകരന്‍ ( ബഹു . കൃഷി വകുപ്പുമന്ത്രി )

മുഖ്യപ്രഭാഷണം : അഡ്വേക്കറ്റ് തേറമ്പില്‍ രാമകൃഷ്ണന്‍

എം.എല്‍.എ.

ആശംസാ പ്രസംഗം : അഡ്വേക്കറ്റ് വി.എസ് .സുനില്‍ കുമാര്‍

എം.എല്‍.എ.

എം.പി.ദിനേഷ് I.P.S (തൃശൂര്‍ ജില്ലാ പോലീസ്

സൂപ്രണ്ട് )

കുമാരി വി.കെ .രജനി ( പ്രസിഡണ്ട് , താന്ന്യം

പഞ്ചായത്ത് )

അഡ്വ: കെ.സി. സതീന്ദ്രന്‍ (സെക്രട്ടറി

.എസ്.എന്‍.ഡി.പി യൂണിയന്‍ പെരിങ്ങോട്ടുകര )

നന്ദി : സജിത് പാണ്ടാരിക്കല്‍ , കണ്‍‌വീനര്‍

2008 ഫെബ്രുവരി 26 ( കുംഭം 14 )

ചൊവ്വാഴ്ച

മഹോത്സവം
രാവിലെ 5 മണി : നവകലശാഭിഷേകം

6 ന് ഉഷ പൂജ

8 ന് വിശേഷാല്‍ പൂജ

8.30 ന് : ശ്രീ ബലി

11.30 ന് : മദ്ധ്യാഹ്നപൂജ

3.30 ന് : എഴുന്നള്ളിപ്പ്

6.30 ന് : ദീപാരാധന

തുടര്‍ന്ന്‍ ആലപ്പാട് - പുള്ള് -പുറത്തൂര്‍ , കിഴിപ്പുള്ളിക്കര, താന്ന്യം,

മൂത്തേടത്തറ ദേശക്കാരുടെ വെടിക്കെട്ട്

വെടിക്കെട്ട് ലൈസന്‍സ് : വെന്നൂര്‍ രാജന്‍

തെക്കുഭാഗം വെടിക്കെട്ട് കണ്‍‌വീനര്‍ : ഷിജില്‍ കുരുവേലി

സന്ധ്യക്ക് :
പറ്റ് , കേളി ,

തായമ്പക , വിശേഷാല്‍ പൂജ ,പുഷ്പാജ്ഞലി ,ശിവ സഹസ്രനാമ

പുഷ്പാജ്ഞലി .

2008 ഫെബ്രുവരി 27 ബുധന്‍ :

പുലര്‍ച്ചെ 4 മണിക്ക് കൂട്ടി എഴുന്നള്ളിപ്പ്

തുടര്‍ന്ന് ചാഴൂര്‍ കുറുമ്പിലാവ് , വടക്കും‌മ്മുറി കിഴക്കും‌മ്മുറി ദേശക്കാരുടെ

വെടിക്കെട്ട്

വെടിക്കെട്ട് ലൈസന്‍സ് :വെന്നൂര്‍ രാജന്‍

വടക്കുഭാഗം വെടിക്കെട്ട് കണ്‍‌വീനര്‍: പ്രകാശ് പള്ളത്ത്

രാവിലെ

9 നും 10 നും മദ്ധ്യേ

ആറാട്ടും കൊടിയിറക്കലും

ക്ഷേത്രം ഉപദേശകസമിതി

പ്രസിഡണ്ട് : ശ്രീമദ് സ്വാമി പ്രകാശാനന്ദ ( ശിവഗിരി മഠം )

വൈസ് പ്രസിഡണ്ട് : സുഭാഷ് ഞാറ്റുവെട്ടി

സെക്രട്ടറി : ശ്രീമദ് സ്വാമി സര്‍വ്വേശ്വരാനന്ദ ( ശ്രീ നാരായണാശ്രമം )

കണ്‍‌വീനര്‍ : സജിത്ത് പാണ്ടാരിക്കല്‍ , ചാഴൂര്‍ - കുറുമ്പിലാവ്

മെമ്പര്‍ : ഇ.പി. ഹരീഷ് വടക്കും‌മ്മുറി

മെമ്പര്‍ : പ്രദീപ് കുമാര്‍ തട്ടാം പറമ്പത്ത് ( ആലപ്പാട് - പുള്ള് -

പുറത്തൂര്‍ )

മെമ്പര്‍ : മോഹനന്‍ വലിയപറമ്പില്‍ (കിഴുപ്പിള്ളിക്കര )

മെമ്പര്‍ : അജയന്‍ പൊറ്റേക്കാട്ട് , താന്ന്യം

മെമ്പര്‍ : ദീപക് പൊറ്റേക്കാട്ട് ,മൂത്തേടത്തറ

എഴുന്നള്ളിപ്പ്

ആനകള്‍

വടക്കും‌മ്മൂറി : ചുള്ളീപ്പറമ്പില്‍ വിഷ്ണു ശങ്കര്‍

കിഴക്കും‌മ്മുറി : ചുള്ളീപ്പറമ്പില്‍ സൂര്യന്‍

ചാഴൂര്‍ കുറുമ്പിലാവ് : ചെറായി കൃഷ്ണപ്രസാദ്

ആലപ്പാട് - പുള്ള് - പുറത്തൂര്‍ :പാമ്പാടി രാജന്‍

കിഴുപ്പിള്ളീക്കര : പട്ടത്ത് ശ്രീകൃഷ്ണന്‍

താന്ന്യം : ചുള്ളിപ്പറമ്പില്‍ ശ്രീ റാം

മുത്തേടത്തറ : ബാസ്റ്റ്യന്‍ വിനയ ശങ്കര്‍

മേളം:

നൂറില്‍പ്പരം കലാകാരന്മാരെ അണിനിരത്തി പൂനാരി ഉണ്ണികൃഷ്ണന്‍
നയിക്കു ന്ന മേളം

2008 ഫെബ്രുവരി 24 ന് ഞായറാഴ്ച വൈകീട്ട് 5 മണിക്ക് സാംസ്കാരിക
സമ്മേളനം

തുടര്‍ന്ന് 9 മണിക്ക് കൊച്ചിന്‍ പുലരി തിയേറ്റേഴ്‌സിന്റെ നക്ഷത്രങ്ങളേ
സാക്ഷി (നാടകം )

2008 ഫെബ്രുവരി 25 തിങ്കളാഴ്ച രാത്രി 9
മണിക്ക്

ശ്രുതിലയ ഓര്‍ക്കസ്‌ട്ര തൃശൂര്‍ ഒരുക്കുന്ന
ഗാനമേള

2008 ഫെബ്രുവരി ചൊവ്വാഴ്ച രാത്രി 9 മണിക്ക്

വൈക്കം ഭരത് ശ്രീ യുടെ

ശിവോത്സവം ( ഡ്രാമാ സ്കോപ്പ് നൃത്ത നാടകം )

മൂത്തേടത്തറ ദേശക്കാരുടെ പറയെടുപ്പ്

ഒന്നാം ദിവസം 2008 ഫെബ്രുവരി 24 ഞായര്‍

ശ്രീ സോമശേഖര ക്ഷേത്രത്തിനും അഴിമാവ് റോഡിനും കിഴക്കുഭാഗം

ചായപ്പറ :

ചക്കാമാട്ടില്‍ മഹാദേവന്‍ അവര്‍കളുടെ വസതി

ഉച്ചപ്പറ

പണിക്കവീട്ടില്‍ കൃഷ്ണന്‍ ഭാര്യ ദേവയാനി അവര്‍കളുടെ വസതി

ചായപ്പറ :

നടുവില്‍ത്തറ കിഷോര്‍ ബാബു അവര്‍കളുടെ വസതി

അത്താഴപ്പറ :

കാനാടി വിഷ്ണുദാസ് , കരുവാംകുളം റോഡ് , അവര്‍കളുടെ വസതി

മൂത്തേടത്തറ ദേശക്കാരുടെ പറയെടുപ്പ് :

രണ്ടാം ദിവസം 2008 ഫെബ്രുവരി 25

ശ്രീസോമശേഖരക്ഷേത്രത്തിനും അഴിമാവ് റോഡിനും പടിഞ്ഞാറുഭാഗം

ചായപ്പറ

കണാറ ഹരിദാസന്‍ അവര്‍കളുടെ വസതി

ഉച്ചപ്പറ:

കുറ്റിക്കാട്ട് ബാലകൃഷ്ണന്‍ അവര്‍കളുടെ വസതി.

പറദിവസം കോലത്തിന് മാല വഴിപാട് ചെയ്തത്

കോലുകുളങ്ങര ദാസന്‍ മകന്‍ സനാദ്

പറയ്ക്ക് ആന വഴിപാട് നല്‍കിയത് ( 2 ദിവസം )

ഞാറ്റുവെട്ടി ഉണ്ണിരീക്കുട്ടി മകന്‍ സുരേഷ് കുമാര്‍

പറദിവസം നാഗസ്വരം വഴിപാട് നല്‍കിയത്

കൊട്ടാരത്തില്‍ കുട്ടന്‍ മകന്‍ സുബ്രമുണ്യദാസ്

പി.കെ.ഭാസ്കര ശാന്തി ,ഗീതാഭവന്‍ , മൂത്തേടത്തറ

പറദിവസം ചമയം വഴിപാട് നല്‍കിയത്

തറയില്‍ സുബ്രമണ്യദാസ് മകന്‍ അരുണ്‍ ദാസ്

പറ ദിവസം ആനയ്ക്ക് മാല വഴിപാട് നല്‍കിയത്

വേണുശാന്തി , മൂത്തേടത്തറ

പകല്‍‌പ്പൂരം ഉച്ചയ്ക്ക് 12.30ന്

അഡ്വേക്കറ്റ് വിശ്വഭരന്‍ അവര്‍കളുടെ വസതിയില്‍നിന്നും പുറപ്പേടുന്നു.

ഉത്സവദിവസം ചമയം വഴിപാട് നല്‍കിയത് :

പാണപറമ്പില്‍ കൃഷ്ണന്‍ മകന്‍ മുരളി

ഉത്സവദിവസം നാഗസ്വരം വഴിപാട് നല്‍കിയത്

കൂവളത്ത് വേലായുധന്‍ ഭാര്യ കല്യാണി

ഉത്സവത്തിനാവശ്യമായ എണ്ണ വഴിപാട് നല്‍കിയത്

പാണപറമ്പില്‍ കുമാരന്‍ മകന്‍ സലീഷ് കുമാര്‍

ഉത്സവദിവസം പകല്‍പ്പൂരത്തിനും ഉത്സവദിവസം രാത്രി പ്പൂരത്തിനും കോലത്തിന് മാല വഴിപാട് നല്‍കിയത്

ഞാറ്റുവെട്ടി കുമാരന്‍ മകന്‍ ചന്ദ്രബോസ്

ഉത്സവദിവസം പകല്‍പ്പൂരത്തിനും ആനപ്പുറം കയറുന്നവര്‍ക്കും വസ്ത്രം വഴിപാട് നല്‍കിയത്

എം.ജി ട്രേഡേഴ്‌സ് , പെരിങ്ങോട്ടുകര

ഉത്സവദിവസം പകല്‍പ്പൂരത്തിനും രാത്രിപ്പൂരത്തിനും ആനയ്ക്ക് മാല
വഴിപാട് ചെയ്തത്

കോതണ്ടത്ത് സിദ്ധാര്‍ത്ഥന്‍ മകന്‍ അഭിലാഷ്

മൂത്തേടത്തറ കമ്മറ്റി ഭാരവാഹികള്‍

പ്രസിഡണ്ട് : ധര്‍മ്മപാലന്‍ കരാട്ടുപറമ്പില്‍

സെക്രട്ടറി : ബിജോയ് ഞാറ്റുവെട്ടി

വൈസ് പ്രസിഡണ്ട് : രവീന്ദ്രന്‍ കല്ലിക്കട

ജോ.സെക്രട്ടറി : സോമലാല്‍ കുറ്റിക്കാട്ട്

മേള നിയന്ത്രണം: രാജാറാം ഞാറ്റുവെട്ടി

ആന അളവ് : രാജേന്ദ്രന്‍ ഞാറ്റുവെട്ടി

പന്തല്‍ കമ്മറ്റി

ചെയര്‍മാന്‍ : രഞ്‌ജിത് മൂത്രത്തി പറമ്പില്‍

കണ്‍‌വീനര്‍ ; ഷിനോജ് പള്ളിപ്പറമ്പില്‍

ഖജാന്‍ജി : ശ്രീജിത് പോട്ടയില്‍

ഓഡിറ്റിംഗ് കമ്മറ്റി

കരുണാകരന്‍ കരാട്ടുപറമ്പില്‍

പ്രേം‌നാഥ് പള്ളിയില്‍

അശോകന്‍ ഞാറ്റുവെട്ടി

6.പെരിങ്ങോട്ടുകര സോമശേഖര ക്ഷേത്രം : ഉത്സവത്തിന് കൊടിയേറി

2008-02-10T08:25:00.001+05:30

പെരിങ്ങോട്ടുകര : സോമശേഖര ക്ഷേത്രം ഉത്സവത്തിന് മുന്നോടിയായുള്ള ദേശപ്പറയെടുപ്പ് തുടങ്ങി.
ഫെബ്രുവരി 26 ന് ആണ് ഉത്സവം.
ചാഴൂര്‍ , കുറുമ്പിലാവ് , ആലപ്പാട് , പുള്ള് , പുറത്തൂര്‍ ,വടക്കുംമ്മുറി , കിഴക്കുംമ്മുറി ,കിഴുപ്പിള്ളിക്കര , താന്ന്യം ,മൂത്തേടത്തറ ദേശക്കാരുടെ നേതൃത്വത്തിലാണ് ഉത്സവം .
ഉത്സവദിവസം 3.30 ന് നടക്കുന്ന കൂട്ടിയെഴുന്നള്ളിപ്പില്‍ ഏഴ് ആനകള്‍ അണിനിരക്കും; തുടര്‍ന്ന് ആല്‍‌ത്തറമേളം
വൈകീട്ട് ആറുമണിയ്ക്ക് തെക്കുഭാഗത്തിന്റെ വെടിക്കെട്ട് .
രാത്രിയില്‍ കലാപരിപാടികളും ഉണ്ടാകും .
27 ന് രാവിലെ 6 ന് വടക്കുഭാഗത്തിന്റെ വെടിക്കെട്ട്
24 ന് വൈകീട്ട് 6.30 ന് നടക്കുന്ന സമ്മേളനം മന്ത്രി മുല്ലക്കര രത്നാകരന്‍ ഉദ്‌ഘാടനം ചെയ്യും .
തേറമ്പില്‍ രാമകൃഷ്ണന്‍ എം.എല്‍.എ മുഖ്യ പ്രഭാഷണം നടത്തും.
25 ന് രാത്രി 9 ന് ഗാനമേള ഉണ്ടായിരിക്കുന്നതാണ് .
27 ന് ആറാട്ട് നടത്തും.

5.പാമ്പിനെക്കൊന്നു യജമാനനെ രക്ഷിച്ച ടോമിക്കു ചികിത്സയില്‍ പുനര്‍ജന്മം

2007-12-25T11:40:00.002+05:30

തളിപ്പറമ്പ് : പാമ്പുകടിയില്‍നിന്നും യജമാനനെ സ്വന്തം ജീവന്‍ തൃണവല്‍ഗണിച്ചു രക്ഷിച്ച ടോമിയ്ക്ക് ഒരു രാത്രി നീണ്ട ചികിത്സയ്ക്കുശേഷം പുനര്‍ജന്മം.മയ്യില്‍ കണ്ടങ്കീലിയിലെ വിമുക്തഭടന്‍ പി.പി. കുഞ്ഞിക്കണ്ണന്റെ വീട്ടിലെ വളര്‍ത്തുനായായായ ടോമിയാണ് യജമാനന്റെ രക്ഷകനായത് .ഈ ശ്രമത്തിനിടയില്‍ ടോമിയ്ക്ക് അണലിയുടെ കടിയ്യേറ്റെങ്കിലും തീവ്രപരിചരണത്തിലും വീട്ടുകാരുടെ പ്രാര്‍ത്ഥനയിലും കരുത്താര്‍ജ്ജിച്ചു ജീവിതത്തിലേയ്ക്ക് മടങ്ങി വന്നുകൊണ്ടിരിക്കുകയാണ് . ജര്‍മന്‍ ഷെപ്പേര്‍ഡ് ഇനത്തില്‍പ്പെട്ട ടോമിയ്ക്ക് രണ്ടര വയസ്സുണ്ട്. വ്യാഴാഴ്ച രാത്രി എട്ടരയോടെയാണ് കുഞ്ഞിക്കണ്ണന്റെ വീട്ടുമുറ്റത്ത് അരമീറ്ററോളം നീഅളമുള്ള അണലി പ്രത്യക്ഷപ്പെട്ടത് .മുറ്റത്തുണ്ടായിരുന്ന ടോമി പാമ്പിനെ വീട്ടുകാര്‍ക്കടുത്തേയ്ക്ക് പോകാന്‍ അനുവദിയ്ക്കാതെ ഏറെ നേരം തടഞ്ഞുവെച്ചു.വിഷപ്പാമ്പിനെ കണ്ട വീട്ടുകാരും പേടിച്ചു .പുറത്തുപോയിരുന്ന കുഞ്ഞിക്കണ്ണന്‍ അല്പം കഴിഞ്ഞാണു വീട്ടിലേയ്ക്കുവന്നത് .ഇദ്ദേഹം വരുന്ന വഴിയിലായിരുന്നു പാമ്പുകിടന്നിരുന്നത് .

താന്‍ തടഞ്ഞിട്ടതൈനാല്‍ പാമ്പ് യജമാനനെ കടിക്കുമെന്നായതിനാല്‍ അത്രയും നേരം പാമ്പിനെ തൊടാതിരുന്ന റ്റോമി ചാടിവീണു പാമ്പിന്റെ കഴുത്തിനു കടിച്ചു രണ്ടു കഷണമാക്കി.ഇതിനിടയില്‍ ടോമിയുടെ നാവിനു പാമ്പ് കടിച്ചിരുന്നു.അവശനാകുന്നതുകണ്ട ടോമിയെ ഊടന്‍ സീനിയര്‍ വെറ്റിനറി സര്‍ജന്‍ ഡോ : ജയമോഹന്റെ ഏഴാം മൈലിലുള്ള വീട്ടിലെത്തിച്ചു. സ്ഥിതി ഗുരുതരമായതിനാല്‍ ആന്റിവെനിം തുടര്‍ച്ചയായി നല്‍കി. രാവിലെ ഡോക്ടര്‍ക്കൊപ്പം കുഞ്ഞിക്കണ്ണനും ഉറക്കമൊഴിച്ചു.

നാലുഡോസ് ആന്റിവെനിം നല്‍കിയപ്പോള്‍ ടോമി കണ്ണൂകള്‍ തുറന്നു.വിഷബാധയേറ്റ് വൃക്കകളുടെ പ്രവര്‍ത്തനം തകരാറിലായതിനാല്‍ അതിനുള്ള മരുന്നുകളും നല്‍കുന്നുണ്ട് .

450 രൂപയിലധികം വിലയുള്ള ആന്റിവെനൈം രാത്രിതന്നെ സഹകരണ ആശുപത്രിയില്‍നിന്നുലഭിച്ചതാണ് ടോമിയ്ക്ക് രക്ഷയായതെന്ന് ഡോക്ടര്‍ ജയമോഹന്‍ പറഞ്ഞു.ടോമി ഇപ്പോള്‍ കുഞ്ഞിക്കണ്ണന്റെ വീട്ടില്‍ പരിചരണത്തിലാണ്.

4.ഒരു നൂറ്റാണ്ടിന്റെ അനുഭവങ്ങളുടെ വേര്‍പാട് ................

2007-12-12T14:48:00.001+05:30

ഒല്ലൂര്‍ ( മരത്താക്കര ) വിയ്യത്ത് ചേന്ദന്‍‌കുട്ടി ഭാര്യ പാര്‍വ്വതി (100 വയസ്സ് ) ഇന്ന് (11- 12 - 07 ) ചൊവ്വാഴ്‌ച ഉച്ചതിരിഞ്ഞ് 4.15 ന് നിര്യാതയായി

വഴികളിലൂടെ അലഞ്ഞും നയിച്ചും തെളിച്ചും തെളിയ്ക്കപ്പെട്ടും................

3.പെരിങ്ങോട്ടുകരയിലെ ഖാദിസെന്റര്‍ 50 വര്‍ഷം പിന്നിടുന്നു.

2007-09-01T06:47:00.002+05:30

സ്വാതന്ത്ര്യ സമരസേനാനി വി.ആര്‍. കൃഷ്ണനെഴുത്തച്ഛന്റേയും താന്ന്യം പഞ്ചായത്ത് മുന്‍ പ്രസിഡണ്ട് പുരുഷോത്തമ പ്പണിക്കരുടേയും ശ്രമഫലമായാണ് പെരിങ്ങോട്ടുകരയില്‍ ഖാദി സെന്റര്‍ തുടങ്ങിയത് .തുടക്കത്തില്‍ നൂറോളം തൊഴിലാളികള്‍ ഉണ്ടായിരുന്നുവെങ്കിലും ഇപ്പോള്‍ 46 വനിതകള്‍ മാത്രമാണ് ഉള്ളത് .
അവണിശ്ശേരിയില്‍നിനുകൊണ്ടുവരുന്ന നൂല്‍ പാവ് വിവിധ വര്‍ണ്ണങ്ങളിലാക്കി തറികളില്‍ കൈകൊണ്ട് നെയ്തെടുക്കുകയാണ് ഇവിടെ ചെയ്യുന്നത് .ഷര്‍ട്ടിനുള്ള തുണി ,സാരി , മുണ്ട് എന്നിവയാണ് ഇവിടെ നെയ്യുന്നത് .ഷര്‍ട്ടു തുണി ഒരു മീറ്റര്‍ നെയ്യുന്ന തൊഴിലാളിക്ക് 26.60 രൂപയും മുണ്ടിന് 23 രൂപയും സാരിക്ക് 22.87 രൂപയുമാണ് കൂലി.ഒരു തൊഴിലാളി ഇത്ര മീറ്റര്‍ നെയ്യണമെന്ന നിബന്ധനയില്ല.ശരാശരി ഒരു തൊഴിലാളി ദിവസം രണ്ടര മീറ്റര്‍ നെയ്യാറുണ്ട് . എന്നാല്‍ അഞ്ചും ആറും മീറ്റര്‍ നെയ്യുന്നവരുമുണ്ട് .ഇവിടെ നെയ്തെടുക്കുന്ന വസ്തുക്കള്‍ അവിണിശ്ശെരിയിലേക്ക് കൊണ്ടുപോയി അവിടെനിന്ന് കടകളിലേക്കും വീടുകളിലേക്കുംകൊടുക്കുകയാണ് പതിവ് . മുന്‍ കാലങ്ങളെ അപേക്ഷിച്ച് തൊഴിലാളികള്‍ക്ക് പി.എഫ് ,ബോണസ്സ് മറ്റ് ആനുകൂല്യങ്ങള്‍ എന്നിവയുമുണ്ട് .

2.ക്ഷേത്രക്കുളത്തിലെ കരിമീന്‍കൂട്ടം ശ്രദ്ധേയമാകുന്നു.

2007-08-08T17:42:00.002+05:30

പുത്തന്‍പീടിക ,വാളമുക്ക് കുട്ടംകുളങ്ങര അയ്യപ്പസ്വാമിക്ഷേത്രത്തിലെ കരിമീകൂട്ടം ആളുകളെ ആകര്‍ഷിയ്ക്കുന്നു.
നാട്ടുകാരുടെ പരിചരണത്തിലാണ് ഇവ വളരുന്നത് . വീടുകളില്‍നിന്ന് ചോറും കറിയുമായി രാവിലെ സമീപ
വാസികള്‍ കുളക്കടവിലെത്തുമ്പോള്‍ ആയിരക്കണക്കിനു കരിമീനുകള്‍ ചുറ്റുംകൂടും. ക്ഷേത്രക്കുളത്തിന് ഒരേക്കറോളം
വിസ്തൃതിയുണ്ട്. ഏഴുവര്‍ഷമായി ഇവയെ തീറ്റിപ്പോറ്റുന്നതും പരിചരിയ്ക്കുന്നതും നാട്ടുകാരാണ് .ക്ഷേത്രക്കുളമായതിനാല്‍
ഇവയെ പിടികൂടാന്‍ ആരും ധൈര്യപ്പെടുന്നില്ല.

1.പെരിങ്ങോട്ടുകര സോമശേഖരോത്സവം ആശങ്കയില്‍ !

2007-08-05T18:31:00.003+05:30

പെരിങ്ങോട്ടുകര: സോമശേഖര ക്ഷേത്രത്തിലെ ഉത്സവം ഈ വര്‍ഷം നടക്കുമോ എന്ന കാര്യം ഉറപ്പായിട്ടില്ല.
കഴിഞ്ഞ വര്‍ഷം ഉത്സവത്തിന്റെ ഭാഗമായി നടന്ന വെടിക്കെട്ടില്‍ ഒരു വിദ്യാര്‍ത്ഥി മരിച്ചിരുന്നു.ഈ വിഷയം വര്‍ക്കല ശ്രീനാരായണ ധര്‍മ്മ സംഘം ട്രസ്റ്റ് യോഗത്തില്‍ ഗൌരവമായ ചര്‍ച്ചയ്ക്കു വഴിവെച്ചു. ഇതേ തുടര്‍ന്ന് ധര്‍മ്മസംഘം ട്രസ്റ്റിന്റെ പുതിയ സര്‍ക്കുലറില്‍ ഉത്സവത്തില്‍ ആനകളെ എഴുന്നള്ളിയ്ക്കുന്നതും വെടിയ്ക്കെട്ടും നിരോധിച്ച കാര്യം വ്യക്തമാക്കിയിരുന്നു.

വെടിക്കെട്ട് നടത്താനുള്ള നിയമപരമായ സൌകര്യങ്ങള്‍ എക്സ്‌പ്ലോസീവ് ഉദ്യോഗസ്ഥര്‍ കണ്ടെത്തിയിരുന്നു.
പക്ഷെ, പല കമ്മറ്റികളും ഉത്സവ നിരോധനത്തിനെതിരാണെന്നാണ് അറിയാന്‍ കഴിയുന്നത് .